ამერიკელებმა ავტომობილის უნიკალური "თვითაღმდგენი" საღებავი გამოიგონეს

ამიერიდან განაკაწრი ავტომობილზე პრობლემას აღარ წარმოადგენს. სამხრეთ მისისიპის უნივერსიტეტის თანამშრომლებმა "თვითაღმდგენი" ავტომობილის საღებავი შექმნეს! მათ მიერ გამოგონილი პოლიურეთანის საფარველი დაზიანებისას თვითაღდგენას დაახლოებით ერთ საათს უნდება. ამისთვის კი ერთადერთი პირობაა საჭირო – მზის შუქი.
ახალი თაობის საღებავში გამოიყენება ნივთიერება ქიტოზანი – იგი შედის კიბორჩხალებისა და კრევეტების " ჯავშანში" ანუ ქიტინში. როცა ავტოსაფარველის ზედაპირი ზიანდება, ქიტოზანი მზის ულტრაიისფერ სხივებზე რეაგირებს – იწყება რეაქცია და უნიკალური საღებავი, რომელიც რგოლისებრი მოლეკულებისგან შედგება, განაკაწრს დაზიანებული რგოლების მოლეკულურ დონეზე ავტომატურად აღდგენის გზით "ირჩენს".

ჟურნალ "საიენსის" ცნობით, ამ ნოუ ჰაუს – იდეალურ საავტომობილო საღებავს აღდგენა მოძრაობის დროსაც შეუძლია. გამოგონების ერთადერთი "სუსტი წერტილი" ისაა, რომ განაკაწრის "უკვალოდ შეხორცება" ერთსა და იმავე ადგილას მხოლოდ ერთხელაა შესაძლებელი.
მალიარებს დაერხათ

ტერაქტს მოუწყობენ ქართველი მალიარები მაგათ