რაფაელ ნადალი ანუ "გენია" მალიორკიდან

რაფაელ პარერა ნადალი დაიბადა 1986 წლის 3 ივნისს ესპანეთის კუნძულოვან ქალაქს მალიორკაში. მან თავისი პროფესიონალური კარიერა 2001 წელს დაიწყო და მას შემდეგ უამრავ წარმატებას მიაღწია. ახალგაზრდა ესპანელი არის მსოფლიოს N1 ჩოგბურთელი, მოპოვებული აქ 6 დიდი სლემის ტურნირი და პეკინის ოლიმპიური მედალი. ეს დიდებული მიღწევაა იმის გათვალისწინებით, რომ იგი მხოლოდ 22 წლისაა და ამაზე გაჩერებას არც აპირებს.

კარიერა
2005 წლის 25 ივლისიდან 2008 წლის 17 აგვისტომდე, იგი მყარად ინარჩუნებდა მეორე პოზიციას 161 კვირის განმავლობაში. იგი პირველი ჩოგბურთელია ბორის ბეკერის შემდეგ ვინც მეორე პოზიციას მიაღწია 19 წლის ასაკში.
ნადალს კარიერის განმავლობაში უკვე ეკუთვნის რამოდენიმე ძალზედ მნიშვნელოვანი რეკორდი.მას აქვს 81 მატჩიანი წაუგებელი სერია თიხნარზე, რომელიც 2005 წელს დაიწყო და 2008 წლის მაისში დამთავრდა. იგი უკვე აღიარებულია ყველა დროის ერთ-ერთ საუკეთესო გრუნტის მოთამაშეთ.
რაფაელ ნადალმა ოთხჯერ ზედიზედ (2005-2008) გაიმარჯვა საფრანგეთის ღია ჩემპიონატში, რის შემდეგაც მას "გრუნტის მეფე" უწოდეს.
2008 წელს რაფამ მოიგო უიმბლდონი. მან ფინალში შვეიცარელ, როჯერ ფედერერს სძლია 6-4 6-4 6-7 6-7 9-7 (ეს იყო ყველაზე ხანგრძლივი ფინალი უიმბლდონის ისტორიაში 4სთ. 48წთ.). ამის შემდეგ ნადალი გახდა პირველი ჩოგბურთელი, რომელმაც ერთ სეზონში მოიგო უიმბლდონიც და როლანდ გაროსიც.
2009 წლის ზამთარში, მან პირველად გაიმარჯვა ავსტრალიის ღია ჩემპიონატში, სძლია რა როჯერ ფედერერს 5 სეტში. ნადალი გახდა პირველი ესპანელი, რომელმაც შეძლო ამ ტურნირის მოგება და მეორე აგასის შემდეგ, რომელმაც გაიმარჯვა ჰარდზეც, გრუნტზეც და ბალახზეც. რაფაელისთვის ჯერ-ჯერობით მიუწვდომელი მხოლოდ ამერიკის ღია ჩემპიონატია.
იგი ასევე არის ორგზის დევისის თასის მფლობელი (2004 და 2008) ესპანეთის ნაკრების რიგებში



მოკლე დოსიე:

ეროვნება: ესპანეთი
საცხოვრებელი ადგილი: მალიორკა, ესპანეთი
დაბადების რიცხვი: 3/06/1986
სიმაღლე: 185სმ
წონა: 85კგ
კარიერის დასაწყისი: 2001წ
სათამაშო ხელი: მარცხენა
მწვრთნელი: ტონი ნადალი (ბიძა)
მოგებული თანხა: 22 162 597 ამერიკული დოლარი

უახლოეს კონკურენტებთან გამართული მატჩების სტატისტიკა

ნადალი 13 — 6 როჯერ ფედერერი
ნადალი 10 — 4 ნოვაკ ჯოკოვიჩი
ნადალი 5 — 2 ენდი მარეი
ნადალი 3 — 2 ნიკოლაი დავიდენკო
ნადალი 4 — 2 ენდი როდიკი
ნადალი 2 — 1 ჟო-ვილფრედ ცონგა
ნადალი 3 — 0 დელ პოტრო
ნადალი 3 — 1 ჟილ სიმონი
ნადალი 2 — 3 ჯეიმს ბლეიკი
ნადალი 0 — 2 დავიდ ნალბანდიანი
ნადალი 6 — 3 დავიდ ფერერი
ნადალი 5 — 3 ფერნანდო გონსალესი
ნადალი 6 — 0 რიშარ გასკე
ნადალი 4 — 0 ტომი რობრედო
ნადალი 1 — 0 მარატ საფინი

აი კაცი გენია, იმენა მაგარი კაცია რა. ფედერერიც ატირა და მალეც დაეწევა ტიტულების რაოდენობით

ჩოგბურტში მე პირველ ჩოგანად ფედერერი მიმაჩნია....

ENGLAND wrote:ჩოგბურტში მე პირველ ჩოგანად ფედერერი მიმაჩნია....

რატო რა, ამ კაცმა მერამდენედ დაამტკიცა უკვე, რომ ფედერერზე ძლიერია. ფედერერის დრო წავიდა. ურთიერთ შეხვედრებს მაინც დააკვირდი და ნახავ რამდენით წინ არის რაფა. დაჟე ფედერერიც კი ატირა რაფა ჩემპიონნნნნ

საფინი, ჯოკოვიჩი და ფედერერიც მაგრები არიან რა თქმა უნდა, მაგრამ წავიდა იმათი დრო

გაუმარჯოს ფედერერს! ნადალი ტიხის კაცია ფედერერი კიდე ბალახის ამიტომ ასფალტზე უნდა ითამაშონ და ვინც მოიგებს ის იქნება საუკეთესო